Ilargi Berdea Donostian finkaturiko elkarte soziokulturala da. Jarduera fisikoa, lehiakortasunean oinarritutako kirolak alde batera utziz, lagun berriak egiteko, errespetuzko harreman sozialak bultzatzeko eta maite ditugun jarduerak elkarbanatzeko aukera bezala ulertzen dugu. Hau honela izanik, Ilargi Berdeak, arte eszenikoak, zirko mundua, eta jarduera fisikoa oinarritzat hartuz, abilezia fisikoen lanketatik haratago konpetentzia emozional, psikiko zein sozialak garatzeko helburua du, norbanakoaren garapen integrala bultzatuz.